ठाणे : टिकूजीनी वाडी सर्कल येथे भारतीय जनता पार्टी प्रणीत नवयुग मित्रमंडळातर्फे दहीहंडी उत्सव साजरा करण्यात आला. मंडळाचे संस्थापक रमेश आंब्रे आणि प्रभाग क्रमांक ४ च्या नगरसेविका स्नेहा आंब्रे यांच्या मार्गदर्शनाखाली या उत्सवाचे आयोजन करण्यात आले होते.
या वेळी प्रमुख पाहुणे म्हणून आमदार संजय केळकर, महापौर मीनाक्षी शिंदे, भाजपा ठाणे जिल्हा अध्यक्ष अॅड. संदीप लेले उपस्थित होते. तसेच भाजपा महिला मोर्चा अध्यक्षा माधवी नाईक, सामाजिक कार्यकर्ते अश्विन शेट, शंकर पवार यांच्यासह मोठ्या संख्येने भाजपा कार्यकर्ते उपस्थित होते.
